سرفراز احمد کوئٹہ گلیڈی ایٹرز کی کامیابی کیلئے پرامید

کراچی: پاکستان سپر لیگ میں کوئٹہ گلیڈی ایٹرز کے کپتان سرفراز احمد کا کہنا ہے کہ تیسری مرتبہ فائنل کھیلنے جارہے ہیں اور اس بار کامیابی کے لیے پر امید ہیں۔

کراچی میں پریس کانفرنس کرتے ہوئے سرفراز احمد کا کہنا تھا کہ  پورے ایونٹ میں کوئٹہ گلیڈی ایٹرز کی ٹیم اچھا کھیلی، اب تیسری مرتبہ فائنل کھیلنے جارہے ہیں اور اس بار کامیابی کے لیے پر امید ہیں، شین واٹسن میچ جتوانے کی صلاحیت رکھتے ہیں، شین واٹس اور عمر اکمل ہمارے مرکزی بیٹسمین ہوں گے، احسان علی اور احمد شہزاد سے بھی امیدیں ہیں، فواد احمد کو کھلانے کا رسک نہیں لیں گے۔

سرفراز احمد کا کہنا تھا کہ مدمقابل مضبوط ٹیم ہوگی لیکن  190 رنز اسکور کرنے والی ٹیم کو برتری مل سکتی ہے، دونوں ٹیمیں ایک دوسرے کی خامیوں اور خوبیوں سے آگاہ ہیں، باونڈری  چھوٹی ہونے سے رنز بنتے ہیں،  پاکستان میں سپورٹنگ وکٹ ہیں، باونڈری میں اضافہ کے بعد بولر اور بیسٹمین خوش ہیں جب کہ نئے ٹیلنٹ کو سامنے آنے کے لیے محنت کریں گے۔

قومی ٹیم کے کپتان نے کہا کہ کراوڈ بہت نیوٹرل ہے اگر کراچی میں کرکٹ ہوگی تو ملک میں  کرکٹ ہوگی، پاکستان میں کرکٹ مقابلوں کا معیار بہت بلند ہوگیا ہے، ٹکٹ مانگنے والوں کی فرمائش بڑھ گئیں،  میرے پاس ٹکٹ نہیں، نظر کرم کی جائے۔ ایک سوال کے جواب میں انہوں نے کہا کہ  آسٹریلیا کے خلاف ٹور میں ٹیم کو مس نہیں کروں گا،  گھر میں بیٹھ کر میچز دیکھوں گا۔

Comments are closed.