عوام گیس کنکشن کیلئےبرسوں سےخوار،سوئی نادرن کی منظورنظرافراد پر نوازشات

اسلام آباد: سوئی نادرن گیس کمپنی کی منظور نظرافراد پر مہربانیاں، قوانین کی دھجیاں بکھیرتے ہوئے ایک سال میں 18 ہزار سے زائد گیس کنکشن لگا دئیے گئے، سالوں سے انتظار میں بیٹھے افراد انتظار ہی کرتے رہ گئے۔

دستاویز کے مطابق درخواست دینے کےبعد گیس صارفین طویل عرصے سے انتظار کرتے رہے لیکن کنکشن دوسروں کے لگے ،کمپنی کی ویب سائٹ پر جاری لسٹ میں بھی کنکشن حاصل کرنے والوں کے نام چھپائے گئے۔ میرٹ سے ہٹ کر گیس کنکشن فٰیصل آباد اور شیخوپورہ میں لگائے گئے۔

دوسری جانب حکام کا کہنا ہے کہ نئے گیس کنکشن مساجد ،مدارس اور چررچز کو دئیے گئے۔ نئی آبادیوں میں تین سو کنکشن اور کمپنی ملازمین کو فری گیس کنکشن فراہم کرنے کے باعث ویب سائٹ پر جاری لسٹ میں فرق آیا۔

Comments are closed.