کھاریاں کے علاقے منڈیر میں خاتون کے ہاں پانچ جڑواں بچوں کی پیدائش

مانیٹرنگ ڈیسک

کھاریاں: پاکستان کے صوبہ پنجاب کی تحصیل کھاریاں میں خاتون کے ہاں پانچ جڑواں بچوں کی پیدائش ہوئی ہے۔

اولاد کی نعمت ہر بے اولاد جوڑے کی خواہش ہوتی ہے، بعض لوگ بیٹوں کیلئے جب کہ بعض بیٹیوں کیلئے تمام جہانوں کے خالق سے دعا گو رہتے ہیں، لیکن پاکستان کے علاقے کھاریاں میں ایک جوڑے پر قدرت ایسی مہربان ہوئی کہ ایک ہی وقت میں نہ صرف اولاد کی نعمت سے نوازا بلکہ بیٹوں کے ساتھ بیٹی کی صورت میں رحمت بھی عطا کردی۔

تحصیل کھاریاں کے ایک گاؤں منڈیر میں ایک خاتون نے پانچ جڑواں بچوں کو جنم دیا، جن میں چار لڑکے اور ایک لڑکی شامل ہے۔ پانچ جڑواں بچوں کی پیدائش پر اہل خانہ خوشی سے نہال ہو گئے، نجی اسپتال کے ڈاکٹرز نے نومولود بچوں کے ساتھ تصاویر بنوائیں۔

Activity - Insert animated GIF to HTML

اسپتال انتظامیہ نے پانچوں جڑواں بہن بھائیوں اور ان کی والدہ کے چیک اپ کے بعد ان کی صحت کو تسلی بخش قرار دیا ہے جب کہ ماں کو اپنے پانچوں جڑواں بچوں کے ہمراہ گھر جانے کی اجازت بھی دے دی گئی ہے۔

Leave A Reply

Your email address will not be published.